Tarix boyunca insanlara və cəmiyyətlərə saysız dərd-bəla gətirən gizli bir təhlükə var. Bu təhlükə insanları ehtiraslar, zəifliklər və inadlar içində yaşamağa sövq edir. Bəzən bir faşistin sıxılmış yumruğunda, kommunistin oxuduğu bir marşda, bəzən də gənc bir oğlanın sevdiyi qıza yazdığı eşq məktubunda ortaya çıxır. Bu təhlükənin adı romantizmdir. Romantizm dindən kənar olan insanlara və cəmiyyətlərə xas olan bir xüsusiyyətdir. Bu, Şeytanın bəşəriyyəti yoldan çıxarmaq üçün istifadə etdiyi bir silahdır. Ağlın əvəzinə hissləri yaşadır. Öz ağlından yararlana bilməyənlər isə Allahın qüdrətini dərk edə bilməz və Onun yaradılış dəlilləri barədə lazımınca düşünməzlər. "Sad" surəsində buyrulduğu kimi, Allah Quranı "ayələrini düşünüb dərk etsinlər və ağıl sahibləri də ibrət alsınlar deyə" ("Sad" surəsi, 29) nazil edib. İnsanı ağıldan uzaqlaşdıran romantizm onu eyni zamanda dindən də uzaqlaşdırmış olur. Bu filmdə romantizmin yaxın tarixdə və gündəlik həyatda nə qədər böyük əzablara səbəb olduğunu araşdıracağıq. Quranın rəhbərliyi ilə bu təhlükədən uzaqlaşmağın nə qədər asan olduğunu öyrənəcəksiniz.
XX əsr bəşəriyyət tarixinin ən qanlı əsri oldu. 250 milyondan artıq insan müharibələrin, kütləvi qırğınların və siyasi çəkişmələrin qurbanı oldu. Bu böyük vəhşətin ən böyük məsuliyyəti "kommunizm" adlanan ideologiyanın üzərinə düşür. Bəşəriyyətə sözdə bərabərlik və ədalət vəd edən bu ideologiya insanlara qan, ölüm və qorxudan başqa heç bir şey vermədi. Bu filmdə sizz qanlı kommunizm əsrini araşdıracaq və bu ideologiyanın bəşəriyyətə böyük vəhşət yaşatdığını görəcəksiniz. Bəşəriyyətin bu vəhşiliklərdən qurtulması, ancaq insanların bu dünyadakı varolma məqsədlərini bilməsi ilə mümkündür. İnsan darvinistlərin, kommunistlərin və faşistlərin fərz etdiyi kimi təsadüflər nəticəsində meydana gələn və mübarizə üçün yaşayan bir heyvan növü deyil. İnsan Allahın yaratdığı və Onun ruhunu daşıyan şərəfli bir varlıqdır. İnsanın var olmasının məqsədi də Allahın ona verdiyi gözəl əxlaqa əsasən yaşamaq və öyrənməkdir.
Bütün kainatı Allah yaradıb və bütün yaradılanlar insana Allahın dəlillərini göstərir. Elm bu yaradılmış varlıqları tədqiq etmək üçün bir üsuldur. Buna görə də dinlə elmin bir-biri ilə ziddiyyət təşkil etməsi mümkün deyil.
Əksinə, İslam dini elmə çağırır, elmin inkişafını təşviq edir. İslam tarixindəki böyük elmi inkişaf bu təşviqin əhəmiyyətini üzə çıxarır. Elmi materialist fəlsəfə ilə qarışdırmaq istəyən XIX əsrin müddəaları bu gün öz qüvvəsini itirib.
Bəşəriyyət yaxın zamanlarda daha aydın şəkildə dərk edəcək ki: Bütün kainatı və canlıları Allah yaradıb. Elm bu yaradılışın dəlillərini göstərir və bu həqiqəti 14 əsr bundan əvvəl bildirmiş Qurani-Kərim elmə yol göstərir.
XX əsr bəşər tarixinin ən qanlı dövrü oldu. Bəşəriyyət bu dövrdə ilk dəfə «dünya müharibəsi» ifadəsi ilə tanış oldu. I və II dünya müharibələrinin nəticəsində 65 milyon insan həlak oldu. Bunların təxminən yarısı müharibə ilə əlaqəsi olmayan dinc əhali idi. Uşaqlar, müdafiəsiz qadınlar və qocalar zalımcasına qətl edildi... Bəs dünya necə oldu ki, bu cür böyük ağılsızlığa məruz qaldı? Nəyə görə insanlar göz görə-görə həm öz xalqlarını, həm də başqalarını qan tökmək quyusuna atdılar? Bu vəhşiliyin arxasındakı fəlsəfə nə idi? Bu sənədli film, sizə bu mühüm məsələnin cavabını xəbər verir.
Flv faylını yükləmək üçün toxunun. 
