Trupi ynë ka armiq, të cilët nuk mund t’i shohim dot me sy të lirë dhe mund të mos jemi të vetëdijshëm për ekzistencën e tyre. Por, ne kemi gjithashtu një ushtri e cila na mbron në mënyrë të shkëlqyer ndaj çdo forme rreziku që mund të vijë nga jashtë dhe është përherë në gadishmëri: “sistemin tonë imunitar!” Nga ky film do ta kuptoni se inteligjenca që ve në funksionim këtë sistem i përket Allahut.
Jeta në pole është tmerrësisht e vështirë: Toka dhe deti janë të mbuluar me akull, aty mbizotërojnë erërat e ngricës dhe temperatuart e ulëta dhe nuk ka asnjë strehë për kafshët…
Ndonjëri mund të mendojë se në pole nuk ka asgjë tjetër veç aisbergëve. Por, megjithatë, edhe atje ka një shumëllojshmëri të pasur gjallesash, megjithë kushtet tepër të vështira. Në këtë film ju do të hasni krijesa, të cilat mbijetojnë lehtësisht në kushtet polare, të cilat në pamje të parë duken jo fort mikpritëse për jetën dhe do të zbuloni karakteristikat e tyre, ku, çdonjëra nga të cilat është një mrekulli e krijimit që tregon diturinë e pafund, fuqinë dhe pushtetin e Zotit të Plotfuqishëm. Në të do të shihni se, secila nga këto aftësi që mbartin këto kafshë është rezultat i një projektimi të përsosur dhe se të gjitha krijesat janë krijuar nga Zoti i Plotfuqishëm me mjeshtëri të përkryer në përshtatje me nevojat e tyre.
Nga peshqit tek bimët nënujore, nga delfinët tek planktoni, forma të panumërta të jetës janë ndërtues të kësaj pjese perfekte të botës.Në këtë film janë përshkruar vetëm disa shembuj të botës të çuditëshme nënujore. Krijuesi është Zoti Lavdiplotë, Ai që di gjithçka, në tokë dhe në dete, deri në detajin më të vogël.
Keni menduar ndonjeherë se Toka mbi të cilën po ecni lëviz me një shpejtësi prej 1,670 kilometra në orë? A keni menduar ndonjëherë pse flokët tuaj rriten vazhdimisht, ndërsa vetullat dhe qerpikët mbeten po në atë gjatësi? A nuk do të ishte e dëmshme sikur të ishte ndryshe? Keni menduar ndonjëherë rreth ngjarjeve të mahnitshme që ndodhin brenda dhe përreth jush? Ky film është një ftesë për të reflektuar, sepse në Kur’an Zoti na fton ne të mendojmë për qeniet e gjalla që Ai ka krijuar.
Ne tashmë ndodhemi në një kthesë në historinë e njerëzimit. Ateizmi, i cili ka ndikuar kaq shumë historinë e shkencës dhe atë të mendimit, qysh prej shekullit të XVIII-të, po përjeton një kolaps të pashmangshëm. Në këtë film ju do të shihni se, si tezat kryesore të tij u rrënuan së bashku me zhvillimet shkencore, politike dhe sociale të dekadave të kaluara. Që nga teoria e Çarls Darvnit apo Sigmund Frojdit, deri tek rënia e komunizmit apo ëndërra hipike, ndiqni se si dogma ateiste shkatërrohet në vigjilje të shekullit të XXI.
Në këtë filmë do të bëhët fjalë për mrekullinë e ndertimit të qelizës. Me zhvillimin e shkencës bashkohore jo vetëm që bëhet zbulimi i kompleksitetit të qelizës, po njekohesisht edhe hidhen poshtë shumë hipoteza dhe bestytni për krijimin "e rastesishtem" apo për "qelizen e thjeshtë".
Teknologjia, puna kolektive, strategjia ushtarake, rrjeti i avancuar i komunikimit, një hierarki e mprehtë dhe racionale, disiplina, planifikimi urbanistik... Këto janë fushat ku njerëzit nuk mund të jenë gjithmonë mjaft të suksesshëm por milingonat gjithmonë janë. Në këtë film do të eksploroni botën e mahnitshme të milingonave, një sistem socio-biologjik shumë kompleks i cili nuk ka mundur të lind si mekanizëm i rastësishëm dhe të qëndroj si një shembull i qartë i një dizajni inteligjent në natyrë. Në të njëjtën kohë ju do të shihni gabimet në teorinë e evolucionit dhe të dëshmoni krijimin e patëmetë të Allahut.
Kliko që të shkarkosh dokumentin Flv. 
