Uniteti, devotshmëria, dashuria, afeksioni, mëshira, vetësakrifikimi, besimi...Solidariteti, miqësia, ndihma reciproke, falja, paanshmeria, besueshmeria, besnikëria, shqetësimi dhe mbrojtja ndaj të tjerëve...
Shumica e njerëzve shprehin dëshirën e zjarrtë për cilësitë e vlerave të larta morale sa herë që u jepet rasti. Ata ankohen se nuk kanë mundur t’u afrohen vlerave të tilla morale, të cilat do t’i dëshironin aq shumë. Në të vërtetë, vlerat morale të larta janë bëhen të mundura vetëm vetëm duke iu friksuar Zotit dhe duke ndier devotshmëri të thellë ndaj Tij. Për këtë arsye, vetëm besimtarët e sinqertë janë ata të cilët i praktikojnë këto virtyte në jetën e tyre.
Në Kur’an ka shumë vargje që bëjnë fjalë për jetën e përditshme dhe marrëdhëniet shoqërore. Besimtarët përpiqen të venë në jetë këto vlera morale të larta, të cilat i ka shpallur Zoti në Kur’an në çdo moment të jetës së tyre. Nuk ka rëndësi se në çfarë rrethanash mund të gjenden, ata kurrë nuk bëjnë lëshime në shfaqjen e këtyre vlerave. Në këtë film ju do të bëheni dëshmitarë të vlerave të shkëlqyera morale të besimtarëve.
Në këtë film kemi ndërrmarrë një udhëtim nga thellësitë e oqeaneve në rërën shkrumbuese të shkretëtirës dhe në pyjet me shumë reshje të Amazonës. Krijesat që ne kemi parë në këtë udhëtim na kanë bërë të mundur të jemi dëshmitarë të një fakti shumë të rëndësishëm. Fuqia e Allahut na e shfaq këtë në vargun kuranor që thotë:
“Zoti juaj i vetëm është Allahu, nuk ka Zot tjetër përveç tij. Ai përfshin gjithçka në diturinë e Tij.” (Sura Taaha: 98)
Në këtë moment të gjithë njerëzit, me një shpejtësi të madhe i afrohen momentit të vdekjes. Sot edhe për njeriun më të ri, po edhe për njeriun më plak vdekja është në largësi të njëjtë. Ngase nuk dihet se cili njeri kur dhe si do vdes. Afërsia e vdekjes, njeriut ia përkujton pavlerësinë e kësaj bote: Njeriu në këtë botë është i obliguar që në këtë afat të shkurtër kohore të angazhohet maksimalisht për botën e ardhshme (ahiretin). Njeriut me gjykim të shëndoshë i takon që ta dëgjoj zërin e ndërgjegjes dhe mos të harroj se Allahu atë në çdo moment e sprovon. Allahu në jetën e kësaj bote njerëzve si udhërrëfyes ua ka dërguar Kuranin, kurse si shembull pejgamberët dhe besimtarët e mirë. Njeriu i cili me zemër të sinqertë i drejtohet Allahut, pa marr parasysh se me çfarë vështirësie të ballafaqohet, patjetër do të gjej rrugëdalje dhe do të shpëtoj. Njëra ndër fshehtësitë më ta mëdha të kësaj bote të sprovimit, është ajo se për besimtarët e sinqertë patjetër të përfundoj me një fitim absolut.
Përreth globit ka shumë njerëz mbi të cilët bëhen vazhdimisht padrejtësi dhe shtypje. Ata jetojnë në kulmin e varfërisë, janë të pastrehë, janë të detyruar të bëjnë një jetë të pambrojtur dhe bien viktima të sëmundjeve të ndryshme duke mos pasur asistencën e duhur mjekësore, edhe nëse ajo gjendet. Rrjedhimisht, ka vetëm një zgjidhje për padrejtësitë, kaosin, masakrat, urinë, varfërinë dhe shtypjen që ekziston sot në botë: vlerat morale të Kur’anit, të tilla si sakrifica, mëshira dhe drejtësia. Ndiqni këtë film për të parë se, i vetmi shpëtim për të dobëtit, të papërkrahurit, të pastrehët dhe të vobektit është vënia në jetë e udhëzimeve të Kur’anit, i cili i është drejtuar të gjithë njerëzve.
Pyje të gjelbër të panumërta, lule me lloj lloj ngjyra, ujëvara tërheqëse, male të larta grandioze, stepe me ngjyrë të verdhë ari, dete të gjera dhe shumë bukuri tjera të cilat nuk i kemi përmend janë vepra të pashoq të cilat Allahu i ka krijuar për njeriun. Të gjitha këto begati janë dhënë në shërbim të njeriut dhe janë shkas që ai të jetë falënderues. Por njeriu ka një armik të madh që pengon atë të falënderohet, pandërprerë mundohet me premtime të kota dhe pabaza ta mashtroj dhe ta largoj nga rruga e Allahut. Ky armik dëshiron që njeriu në këtë botë po edhe në botën e ardhshme të kaloj jetë të vështirë dhe këtë punë ai pandërprerë do ta bëj deri në ditën e gjykimit. Ky armik i cili ka ndërprerë të gjitha lidhjet me mirësinë, mundohet që njeriut të shëmtuarën, të keqen, pamëshirën, amoralitetin t’i tregoj si punë të mira dhe dëshiron që një gjendje të këtillë ta justifikoj. Për këtë arsye për vete ka formuar një mësim shumë të rrezikshëm që në vete i ngërthen të gjitha idetë e tij të liga. Ky armik i përbetuar, të cilin Allahu e ka larguar nga mëshira e vet është djalli i mallkuar. Kurse mësimi i tij i përgjakshëm dhe i rrezikshëm është Satanizmi.
Allahu ka krijuar të gjitha qeniet e gjalla me tipare që ndryshojnë sipas mjedisit ku ato jetojnë, çdo gjallesë i përdor këto tipare për të mbrojtur vetveten ose për gjueti. Disa fshihen me anë të taktikave të tjera inteligjente.
Ju do të shihni disa tipare të habitshme të kafshëve në këtë film dhe do të njiheni me shembuj të artit të krijimit në natyrë.
Subjekti i këtij filmi që do të shihni do t’ju tregojë një sekret thelbësor të jetës suaj. Duhet ta shihni atë me tepër kujdes sepse lidhet me një subjekt përgjegjës për mënyrën tuaj të të vështruarit të botës materiale.
Gjërat që tregohen në këtë film nuk kanë asgjë të ngjashme me atë që do mundë të mësohej nga ndonjë mendim filozofik, ngase këto që do të shifni janë gjëra shkencërisht të provuara dhe nuk diskutohet vërtetësia e tyre.
Kliko që të shkarkosh dokumentin Flv. 
