Atomet ndodhen kudo… Gjithçka të cilën ne e quajmë lëndë përbëhet nga atomet. Një trup i ndërtuar prej atomesh merr frymë nëpërmjet atomeve në ajër, ushqehet me atomet që ndërtojnë ushqimin dhe shuan etjen me atomet e ujit. Ajo çka shihni nuk është gjë tjetër veçse përplasja e fotoneve dhe elektroneve në atomet e syrit tuaj.
Ky film shqyrton kompleksitetin dhe përsosmërinë e pjesëz më të vogël përbërëse të university – atomit. Atomi, i cili ndonjëherë duket si titulli i një lënde mjaft të ndërlikuar në tekstet e librave, shfaq të vërteta shumë të rëndësishme, po ashtu na ofron fakte të qënësishme të krijimit të Zotit dhe të ekzistencës së Tij.
Teknologjia, puna kolektive, strategjia ushtarake, rrjeti i avancuar i komunikimit, një hierarki e mprehtë dhe racionale, disiplina, planifikimi urbanistik... Këto janë fushat ku njerëzit nuk mund të jenë gjithmonë mjaft të suksesshëm por milingonat gjithmonë janë. Në këtë film do të eksploroni botën e mahnitshme të milingonave, një sistem socio-biologjik shumë kompleks i cili nuk ka mundur të lind si mekanizëm i rastësishëm dhe të qëndroj si një shembull i qartë i një dizajni inteligjent në natyrë. Në të njëjtën kohë ju do të shihni gabimet në teorinë e evolucionit dhe të dëshmoni krijimin e patëmetë të Allahut.
Shumë njerëz që kanë dëgjuar të flitet për teorinë e evolucionit, mendojnë se ajo ka të bëjë vetëm me fushën e biologjisë dhe se nuk ka lidhje me jetën e tyre të përditshme. Po sa i saktë është ky mendim? Me pak durim çdonjëri mund të kuptojë se një mendim i tillë është krejt i gabuar, sepse shumë më tepër se një koncept biologjik, teoria e evolucionit përbën themelin e një filozofie të pabazuar në realitet që ka pushtuar mendjet e një numri shumë të madh njerëzish.
Kjo filozofi është "materializmi", e +-cila përmban një numër pikëpamjesh ireale për arsyen dhe mënyrën se si njeriu erdhi në ekzistencë. Materializmi predikon se nuk ekziston asgjë tjetër veç materies dhe se kjo materie është esenca e çdo gjëje, qoftë kjo organike apo inorganike. Nisur nga kjo, ai mohon ekzistencën e Krijuesit, Allahut të Madhëruar. Duke e reduktuar çdo gjë në nivelin e materies, nocioni i mosekzistencës së asgjëje përveç materies e transformon njeriun në një krijesë që i kushton vëmendje vetëm asaj dhe e largon atë nga vlerat morale të çdo lloji. Kjo është pika e fillimit të shkatërrimit për individin.
Sa mirë e njihni Allahun, i Cili na krijoi ne dhe gjithë universin deri në detajin më të vogël? Qëllimi i këtij filmi është që të na njohë me Allahun, Atë që është më i afërt tek njeriu sesa vena e tij e qafës, ashtu siç na prezantohet në Kur’an. Synimi i tij është të largojë dijen e turbullt, të pasigurt dhe të cekët që kanë njerëzit në mendjen e tyre dhe ta zëvendësojë atë me besimin e vërtetë të shpalosur në Kur’an.
Nga peshqit tek bimët nënujore, nga delfinët tek planktoni, forma të panumërta të jetës janë ndërtues të kësaj pjese perfekte të botës.Në këtë film janë përshkruar vetëm disa shembuj të botës të çuditëshme nënujore. Krijuesi është Zoti Lavdiplotë, Ai që di gjithçka, në tokë dhe në dete, deri në detajin më të vogël.
Keni menduar ndonjeherë se Toka mbi të cilën po ecni lëviz me një shpejtësi prej 1,670 kilometra në orë? A keni menduar ndonjëherë pse flokët tuaj rriten vazhdimisht, ndërsa vetullat dhe qerpikët mbeten po në atë gjatësi? A nuk do të ishte e dëmshme sikur të ishte ndryshe? Keni menduar ndonjëherë rreth ngjarjeve të mahnitshme që ndodhin brenda dhe përreth jush? Ky film është një ftesë për të reflektuar, sepse në Kur’an Zoti na fton ne të mendojmë për qeniet e gjalla që Ai ka krijuar.
